ЖЕНСКИ ЛОГОР – Инсталација на Дијана Богдановска

Во Центарот за култура „Григор Прличев“ во Охрид во сабота ќе биде отворена изложбата „Женски логор“ на Дијана Богдановска.

Женски логор, логорот на смртта исто како и еден класичен затворенички логор, исклучок кој циркулира во областа на културата под железните завеси на политичкото поднебје. Се протолкува како метафора или буквално поистоветување во рамки на некој потесен контекст кој треба да е познат за примателот со цел истиот да биде правилно протолкуван, алузија кон одреден аспект, детектирање наодредената женска индивидуа во рамки на некоја категорија – категоријата работник-уметник…

„Погледи”, фотографска изложба на Фото Кино Клуб Битола

“Погледи”, фотографска изложба на Фото Кино Клуб Битола во ОхридНадоградувајќи се на долгата фотографска традиција во градот на конзулите, Фото Кино Клуб Битола се ориентира кон техничко усовршување и следење на современите трендови на фотографијата и филмот како уметнички израз на визуелната култура. Поточно, пренесувајќи ја идеjата дека фотографијата покрај документарните својства, може да содржи и едно сосема поинакво естетско доживување, кое веќе подолго време во светот а и кај нас се наметнува како посебна уметничка дисциплина. Придржувајќи се до овие начела членовите од Фото Кино Клуб Битола во соработка со Центарот за културен проток АРТерија од Охрид ќе се претстават за прв пат пред охридската јавност со своја клупска изложба на уметнички фотографии наречена „ПОГЛЕДИ”. Изложбата ќе биде отворена во сабота на 16.02.2013 година во галеријата на Н.У. Центар за култура „Григор Прличев” – Охрид, во 19.00 часот.

“Температура, циркулација, гравитација…” – Изложба на Маја Кировска

Температура, циркулација, гравитација е изложба составена од поголем брoј асоцијативни дела, колажи објекти и видеа, каде авторот ги материјализира сите мисли кои спонтано се јавуваат размислувајќи за цикличниот тек на нештата т.е. циклусите во природата, животот на човекот… Ги разгледува релациите, природно – вештачко, органско-неорганско, растително-животинско-човечко… со акцент на природните сили кои подеднакво делуваат во сите овие сфери и доведува до сличности во однесувањето во одредени ситуации..

Melting Bukowski’s Ice Cubes

Rodendenska zurka, Bukowski polni 92!

“I didn’t like parties.I didn’t know how to dance and people frightened me, especially people at parties. They attempted to be sexy and gay and witty and although they hoped they were good at it, they weren ‘t. They were bad at it. Their trying so hard only made it worse.”-Bukowski

Music: Dj Laurent Hydrus.

Taka da site shto go ljubite, mesto da duvate sveki ,da jadete torta i da mu pejte “Happy Birthday to you” , dojdete da proslavime kucajki negovi citati od tipot na “Dirty realism” i “Transgressive fiction” , na za nego avtentichen nachin….so vino i mashina za kucanje.
Citatite se zamrznati vo kocki mraz i do niv ke stignete razladuvajki ja vashata pijachka.
Treba samo da pochekate dodeka se istopi kockata maraz od vasheto vino….

Sobirankata e vo kafe bar Bukowski -Peshtani, 16.08.2012, pocetok 22h

Event: http://www.facebook.com/events/403369986386735/

Gallery: Bukowski Album

HANGOVER – Group Exhibition

aRtEVOLUTION во тивок манир продолжува со идеите и активностите започнати со цел да ги обележиме „значајните“ моменти, „хармоничниот“, и живот „без проблеми“ на млaдите денес. Што ни преостанува? Паа, HANGOVER!

Затоа, на 22 јуни (петок), 21h. во Sunny Lake Hostel Ве каниме на дружба со пијани мечиња и шлапкање со бунарчиња.

Стапалките водат право до HANGOVER…..следете ги од скаличките во чаршијата спроти слаткара “Malaga”.

Учествуваат:

1.Ели Аин-инсталација
2.Билјана Ангелеска – објект
3.Зорица Азеска- објект
4.Димитрие Ристески-перформанс
 6.Јане Бакре-објект
7.Ивана Групче-колаж од фотографии
8.Горан Ристовски-дигитална графика
9.Саше Блажески -цртеж
10. Ванчо Димоски-слика
11.Климент Манасиевски-слика
12. Јасна Христовска- фотографија
13.Никола Секулоски -слика
14. Кристијан Ќос- цртеж
15. Никола Бетински -слика

*Најавете се на Facebook_event

** Изложбата ќе трае еден ден.

Изложба на фотографии “Прашина на полицата”

20. 04. 2012 / Изложба на фотографии “Прашина на полицата” / Јасна Христовска  / Галерија “Робевци” Охрид.

„Прашина на полицата“ претставува тенденција на авторката за комуникација со традицијата, со традиционалните елементи на оваа земја, народ, историја, особен вид на човеково постоење.. Сето ова станува дел од системот на овие дела,  изразено во различен вид и на различни нивоа во зависност од личното творечко разбирање. Но истовремено, преку ваквото насочување кон традицијата многу јасно е покажан и комплексниот однос кон времето во кое авторката живее и твори, може да се каже и стремеж да се најде одговор на некои од дилемите на современото битисување.

Изложба на слики “Ликвидирани вредности”

31. 03. 2012 / Изложба на слики “Ликвидирани вредности” / Горан Ристовски  / Галерија “Робевци” Охрид.

„За доближување на делото кон публиката, уметникот излегува на улица“ – како што вели авторот, но тој самиот на некој начин прави и обид за доближување на street art-от до „застарената“ галериска публика, а воедно и нтеграција на двете. Низ повторувачката шаблонизација продира доза на експресија и слободен израз како рефлексија на желбата за пробивање на „правилата“ и конформизмот. Правејќи инверзија и мешајќи медиуми, подлоги, графика со слика и street art, менувајќи ги амбиентите за изразување, има тенденција да ја разбие стандардната траекторија на погледот на гледачот. Од изложеноста на непостојаност и исчезнувње, овој пат со сигурност се отиснале и во перманентна состојба.

Изложба на слики “Небо во лицата”

10. 03. 2012 / Изложба на слики “Небо во лицата” / Ване Костуранов  / Галерија “Робевци” Охрид.

Доколку имате симптоми на легачана, чашитлама, гледање турски серии, полемизирање за политика, АРТерија заедно со тимот за мултивитартизација констатира благо нарушување на вашата културна здравствена слика.
Решение?! 
На 10ти март (сабота) во глерија Робевци во 20:00ч, ВАНЕ КОСТУРАНОВ од Струмица, нуди доза поетски отсликани лица, соништа и убавини на едноставноста и секојдневието преку осмислена колористичка вредност во неговите слики.
Реакциите се видливи и се јавуваат веднаш по конзумирањето.
Непосакувани дејства и компликации нема.
Изложбата „НЕБО ВО ЛИЦАТА“ ќе ви предизвика руменило на лицата.

Изложба на слики “Фацизам / Идентитет”

25. 02. 2012 / Изложба на слики “Фацизам / Идентитет” / Владимир и Гоце Илиевски / Галерија “Робевци” Охрид.

По снеговите и огромно ниските температури, тимот за мултивитАРТизација заедно со своите стручни соработници на темата, повикуваат на интензивен третман.  По тој повод, ГОЦЕ и ВЛАДИМИР ИЛИЕВСКИ од Скопје го препорачуваат ДУОВИТ, совршена витаминска спојка од фаци и идентитети создадени со експресивни изрази, карактери и емоции кои делуваат и успешно ги опуштаат подмрзнатите сетила од снегот и мразот. 

Изложба на фотографии “Невидлива Софија”

21. 01. 2012 / Изложба на фотографии “Невидлива Софија” / Елена Ѓероска и Стефан Маринов / Галерија “Робевци” Охрид.

„Невидлива Софија“ е фотографски проект кој се базира на невидливата убавина која е насекаде околу нас. Тргнувајќи од светот кој нè опкружува, од нашето секојдневие во градот Софија, започнавме една долга прошетка. Се обидовме да го погледнеме одново она што за нас изгледаше толку познато..